Kurset er fullt. Har venteliste.

​

ALDER: 5-10 kl

TID: Veke 25 Kl: 9.00-15:00

STAD: Valderøy barneskule

FORKUNNSKAP: Symaskinsertifikatet. (Du må kunne tre symaskina og sy rett søm)

​

​

REDESIGN er å gjere noko gamalt nytt. Vi skal skape om. Vi tar noko brukt og omformar det, slik at det kjennest ut som noko anna.

​

Denne veka kjem vi til å sy mykje, så du må kunne sy litt. Rydd skapet ditt før du kjem, ta med noko som du ikkje likar, noko som er for lite og noko som er hullete/slete. Sjå om far din har nokre gamle t-skjorter, eller om der ligg nokre gamle sengekler på boda, det kan vi lage mykje gøy av! Eg kjøper og inn brukte kler og tekstiler, så har du ikkje med noko så går det og greit.

​

Vi skal og redesigne med ting. Sette saman ulike greier på nytt. Kva får du om du setter ein tekopp oppned og limer på toppen av ei barbiedukke? Og kan eit gamalt bildekk bli eit bord? Her skal vi ha kreativ leik, utforske og kose oss.

​

Du må ha med matpakke, fredag feirar vi oss sjølve med pizza.

Eg har med meg ein elev frå Ålesund Kunstfagskule som assistent.

Har du spørsmål ta kontakt på mail: torun.hunnes@gmail.com

​

Påmelding finner du her på nettsida mi, på ei eiga side som kjem når påmeldinga startar, 04.juni kl.12:00 til 10.juni kl. 23:00.

​

NB: Kun for elevar busette i Giske kommune. Kurset er gratis.

​

​

​

​

​

SY-I-LAG

Her syr vi saman. Eg har oppgåver og prosjekter, men du kan og komme med prosjektet ditt, og jobbe med det her. Eg hjelper deg om og når du trenger hjelp. Det å sitte mange rundt eit bord og sy i lag er skikkeleg triveleg! og eg har skapa fulle av flotte gjennbrukstekstiler, og symaskiner til utlån om du trenger det. 

​

KLEFIKSING

Vi fikser hullete kler, syr inn og ut og gjer enkle endringer på kler. Den gamle ullgensaren kan bli ein "bøff", eller bøter på ein annan genser. Hullete tjukkeragga må vi bøte, og dongribuksene er kule med lapp på innsida. 

​

REDESIGN KURS

Redesign er å gjere noko gamalt nytt. Vi skal skape om. Vi tar noko brukt og omformar det, slik at det kjennest ut som noko anna. Vi har fokus på idemyldring, på å sjå nye muligheter for gamle kler og tekstiler og på korleis ein kan sy det om i praksis. Det å skape saman er veldig kjekt! Dette blir eit kurs der vi skal kose oss saman med å skape, prøve ut og vere kreative. Eg kjøper inn alt av materiale og utstyr. Men det er kjekt om du rydder i skapet og ser om der er nokre kler du bruker lite, dei kan vi jo prøve å gjere kule. Og mamma sin gamle kjole blir lett til eit kult skjørt, fars t-skjorte kan bli skikkelig fin med litt tiedye (batikk), så saml gjerne saman litt heime.

​

SYMASKINSERTIFIKAT 

Når du tar symaskinsertifikatet hjå meg så lærer du å tre maskina og sy rettsøm og sikksakk. Vi syr ei enkelt mappe saman, og alle får eget symaskinsertifikat.

​

FERDIGHETER

Du treng ikkje å vere kjempegod til å sy, men du bør kunne tre maskina og sy rettsøm, dersom du ikkje kan det så lærer eg det vekk på symaskinkurs, eller du kan gi meg eit hint før du kjem, så hjelper eg deg litt ekstra i begynnelsen.